Aubrigstrasse 15, Jona

Details

Address

Aubrigstrasse 15, 8645 Jona

Min rooms

2 rooms

Property type

Room

Available

Available now

Description

This listing was written in German.

🏡 Sueche neue WG-Partner/in zwüsche 24 und 30 🌿 🛏️ S’Zimmer S’Zimmer isch knappi 13 qm, aso es isch nöd s’grösste aber au nöd s’chlinste. Es isch es Ost-/Süd-Zimmer, aso gsehsch au bizli id Berge abe und d’Sunne schint am Morge amels direkt is Bett. ☀️🏔️ S’Zimmer het zwei Türe – eini zum Gang und eini is Esszimmer. Momentan isch es no vo mim Mitbewohner ihgrichtet, aber natürli isch es denn unmöbliert, wenn du würsch cho. 🙂 Ja, viel meh git’s gar nöd zum Zimmer z’verzehle – lueg eifach d’Bilder ah. 📸 PS: Es het e Boulderhalle nur 5 Minute entfernt, falls das gern machsch. 🧗 ⸻ 🤝 Wen ich sueche Aso i bin relativ offe, wär chunt, solang de Vibe stimmt. ✌️ Du chasch vollzit da wohne, aber du chasch au Wucheufenthalter/in sii, wo nume 1–3 Täg da isch. Denn wird dementsprechend d’Mieti ahpasst. Ich sueche eigentli öper, wo ähnlich tickt wie ich. Das beschribi aber grad da unedra. ⸻ 🧼 Was mer wichtig isch Was mir sehr wichtig isch, isch d’Suberkeit – vor allem d’Ablageflächi ide Chuchi. Wenn mal es dreckigs Teller über d’Nacht det staht, will du en strenge Tag gha hesch, rissi der überhaupt nöd de Chopf ab. Aber wasi gar nöd gern han, sind Brösmeli oder Gmüesreste uf de Ablageflächi. Ich han kein Putzplan oder so. Mir chönd eus eifach abspreche oder, wenn öppis stört, direkt kommuniziere und zemme putze. 😊 Was mir au no relativ wichtig isch: Ich wür gern e vegetarischi Mitbewohner/in ha, will ich de Gruch vo Fleisch im Chüelschrank überhaupt nöd chan ha. Wenn du bi de Familie oder uswärts Fleisch issisch, isch mer das völlig egal – ich wett’s eifach nöd ide Wohnig ha. 🥦 Kiffe isch au nöd erlaubt. Ussert du bisch mal en Gelegeheitssmoker und räuchlisch mal eis, aber de Gruch ide Wohnig wett i nöd ha. 🚭 Will d’Wohnig scho relativ guet ihgrichtet isch, wär’s sicher vo Vorteil, wenn du eifach d’Sache für dis eigete Zimmer mitnimsch. ⸻ 👋 Zu mir Aso, min Name isch Arion, ich bin 28 und sueche e neue WG-Partner/in. Ich verzell eifach chli vo mir, denn chunsch es Bild über mich. 🙂 Ich bin Landschaftsgärtner vo Bruef und schaffe z’Züri 2.0 %, drum bini meistens erscht ab ca. 17:00 Uhr dihei. Mir isch Sport mega wichtig. Ich gah viel go jogge, mache Calisthenics, bizli Yoga, gah skate, snowboarde, bouldere und sust bini oft mit mim Büsli unterwegs ide Berge go wandere oder fahre as Meer zum surfe. 🏃‍♂️🏔️🏄‍♂️🛹 In Jona het’s 1–2 cooli Bars, woni amels mit de Friends uf es Bierli gah. Suscht gönd mir gern an See go Pingpong spiele. 🍻🏓 Mini Friends wohnet im 1. Stock unedra. Drum git’s im Garte, wo au Öpfel-, Birre-, Figebäum und sust no es paar Sache het, amels e Grillade und es paar Bierli. Du bisch det natürlich sehr gern willkomme. 🌳🍎🍐🍻 Und wenn du sälber öppis im Garte wetsch mache, chasch das mit Absprach natürlich au gern mache. ⸻ 😄 Zu minere Persönlichkeite Ich bin vom Typ Mensch sehr locker druf, ha aber au mini Phase. Mal bini mega still, han mini Chopfhörer druf und mag eifach mini Rueh. 🎧 Und denn git’s die andere Täg, woni voller Energie bin und fascht wie es chlises Chind i de Gegend ume renne. 😂 ⸻ 🌙 Zum Schluss Was mir no wichtig isch: Ich stah relativ früeh uf. Das heisst, ich gah meistens so zwüsche 22:00 und 23:00 Uhr go schlafe. Falls du Friends mitnimsch, wär’s cool, wenn die nöd bis tüüf ide Nacht da sind, will d’Wohnig relativ ringhörig isch. 🌙 Alli andere WG-Detail chömmer gern bi eme persönleche Treffe bespreche. Würd mich freue, dich kennezlerne! 😊🍻